د ملګرو ملتونو د سرمنشی مرستیاله کاني ویګناراجا افغانستان ته راغلې

د ملګرو ملتونو د سرمنشی مرستیاله کاني ویګناراجا د افغان مېرمنو د اړوندو پروژو په اړه د خبرو لپاره افغانستان ته راغلې ده. یو این ډي پي پر خپله ټویټر پاڼه لیکلي چې نوموړې به له اقتصادي پلوه د افغان مېرمنو د پرځان بسیاینې، په ټولنه کې د هغوی د ګډون، چاپېریال او اساسي خدماتو پر اړوندو مسایلو په خبرو او بحثونو کې برخه واخلي. یاد سازمان ویلي، چې نوموړې به همداراز د پراختیايي برخې له شریکانو او د خصوصي سکتور له استازو سره هم وګوري.