د م.م امنیت شورا د افغانستان په اړه غیر رسمي غونډه کړې ده

ملګري ملتونه وايي چې د روسيې په غوښتنه د امنیت شورا د افغانستان د وروستیو حالاتو په حالاتو په اړه غير رسمي غونډه کړې ده. د ملګرو ملتونو د امنیت شورا لخوا په خپره شوې خبرپاڼه کې راغلي چې دا ډول غير رسمي غونډې د امنیت شورا دیوه دايمي غړي هیواد په غوښتنه رابلل کېږي. سرچینې زیاته کړې چې دا غونډه د روسیې په غوښتنه بلل شوې وه او موضوع يې په افغانستان کې د اقتصادي سقوط مخنیوی او د بیارغونې او پرمختک لپاره د امکاناتو لټول و. يادې غونډې ته دامریکا د ځانګړي استازي دفتر سیاسي کونسلر جان کیلي ویلي چې د افغانستان لپاره اقتصادي ثبات ډېر اړین دی چې باید ورته کار وشي. هغه زياته کړې امریکا له نړیوالې ټولنې سویس او دافغانستان اقتصادي ماهرینو سره په همغږۍ د افغان فنډ رامنځته کولو ملاتړ کړی دی. د راپورونو له مخې امریکا به دغه فنډ یا صندوق ته د افغانستان د کنګل شوې شتمنیو څخه یوه برخه ليږي. يادې غونډې ته پخپله وینا کې دایرلینډ استازي د افغانستان پر سر پرست حکومت نیوکه وکړه چې راتګ سره یې هلته اقتصادي او بشري بحران رامنځته شو دی.