د چاپېریال ساتنې ادارې عمومي رییس د ترکیې له سفیر سره کتلي

د چاپېریال ساتنې ملي ادارې عمومي رییس مولوي مطیع‌الحق خالص د ترکیې له سفیر جنک اونال سره کتلي دي. د سرچینې د مالوماتو له مخې په دې کتنه کې د چاپېریال اړوند بېلابېلو موضوعاتو، په ځانګړي ډول د اقلیمي بدلون پر مسایلو هر اړخیزې خبرې شوې دي. د چاپېریال ساتنې ملي ادارې رییس د (COP-29) نړیوال اقلیمي کنفرانس په اړه د ترکیې له سفیر څخه غوښتنه یې وکړه، چې په راتلونکي کنفرانس کې، چې ټاکل شوې په برازیل کې جوړ شي، د افغان پلاوي د ګډون لپاره هڅې وکړي، ترڅو افغانستان ته هم بلنه ورکړل شي. مولوي خالص غوښتنه وکړه، چې له افغانستان سره د چاپېریالي تجهیزاتو برابرولو، د ادارې د کارکوونکو د ظرفیت لوړونې او د تجربو د شریکولو په برخه کې لازمه همکاري وکړي. د ترکیې سفیر ژمنه وکړه چې ترکیه به د چاپېریال ساتنې په برخه کې له افغانستان سره خپلې ګډې همکارۍ ته دوام ورکړي.