په ملګرو ملتونو کې د چين دايمي استازي فو څونګ د جون په ۲۶مه نېټه د عمومي اسمبلې” د ملګرو ملتونو د منشور ورځې“ يادغونډې ته د خپلې وينا په ترڅ کې پر نړيوالې ټولنې غږ وکړ چې بايد د دوهمې نړيوالې جګړې لاسته راوړنې په ګډه وساتي او هېڅکله دې د نوي ډول پوځيپالنې ګواښ ونه مني.
د چين استازي فو څونګ ويلي، نړيواله ټولنه بايد د ملګرو ملتونو د منشور اصلي موخو ته بياکتنه وکړي، د منشور اړوند روحيې دې خپرې کړي او د منشور دندې دې پر غاړه واخلي.
نوموړي دا هم وويل، چين به د ملګرو ملتونو په منشور کې د لومړي لاسليک کوونکي هېواد په توګه د جدي ژمنو د پوره کولو په پار خپلو عملونو ته دوام ورکړي او د انسانانو د ګډ برخليک ټولنې د ابادۍ لپاره به نه ستومانه کېدونکي کوښښونه وکړي.
