۲۰۲۶کال د چين د کمونېست ګوند د جوړولو له ۱۰۵مې کليزې سره برابر دی. نړیوال دا پوښتنه لري چې دغه ګوند د جوړولو په لومړيو ورځو کې يوازې څه باندې پنځوس تنه غړي لرل، خو ولې په تېرو څه باندې سلو کلونو کې د چینايانو رهبري ګرځېدلی او عجيب پرمختيايي کار يې تر سره کړی دی. په دې موده کې چين له بې وزلي هېواد څخه د نړۍ پر دوهم لوی اقتصاد بدل شوی او خلک يې بې ساري نېکمرغه ژوند خپلوي.
د دې پوښتنې ځواب يې د چين د کمونېست ګوند د جوړولو په پیل کې له عالي روحيې څخه پیدا کولی شو او دا هم د دې ګوند د روحاني کود په توګه د چين د لاسته راوړنو لامل او هم د دې هېواد د راتلونکي پرمختګ کليدي حياتي ځواک هم بلل کېږي.
د دې روحيې پيل: د يوې سرې کښتۍ په اړه کيسه
دغه کيسه د ۱۰۵کلونو نه مخکې له دوبی څخه پیل شوې وه. په ۱۹۲۱م کال کې لسګونه ځوانان چې منځني عمر يې يوازې ۲۸ کلن و، د ډېرو خطرونو او ستونزو په لرې کولو سره د چین له بېلا بېلو ځايونو څخه د شانګهای يوې ولسي ودانۍ ته ورغلي او هلته راغونډ شوي وو. هغوی په همدې وداني کې د چین د کمونېست ګوند لومړی ملي کانګرېس تر سره کړ، خو دې ته اړ شول چې د دښمنانو له تعقيب څخه د ډډه کولو په پار د جه جيان ولایت د جيا شينګ د نان هو جهيل يوې کوچنۍ سرې کښتۍ ته کډه شي، او هلته يې خپلې غونډې ته دوام ورکړی و. هغوی په دې کوچنۍ کښتۍ کې د چین د کمونېست ګوند مرام نامه تصويب کړه او د دې ګوند د رسمي جوړولو اعلان يې کړی و. په همدې وخت کې چین له ډېرو ستونزو سره مخ و چې نورو هېوادونو پر چین تېری کړی، پوځي ډلې يې يو له بل سره په جګړې بوختې وې او زياتره چینايان د خوړو له کمښت سره مخ شوي و. دغو ځوانانو ټينګه عقيده درلوده او د چینايانو د نېکمرغه ژوند په لټه و. همدا د چین د کمونېست ګوند د مرکزي کمېټې د عمومي منشي شي جين پینګ ”د ګوند د جوړولو د عالي روحيې“ پيل دی چې د ۲۰۲۱م کال د جولای په لومړۍ نېټې يې وړاندې کړې ده. د دې روحیې کلیدي برخه دا ده: غړي يې دې پر حقيقت او ارمان ټينګار ولري، خپله اصلي موخه دې پلې کړي، خپل مسؤليت دې پر غاړه واخلي، له قربانۍ څخه وېره دې و نه لري، په زړورتیا سره دې له دښمنانو سره جګړه وکړي او بايد ګوند او خلکو ته وفادار واوسي.
ګوندي غړي پر حقيقت او ارمان ټينګار لري: د بهرنۍ مفکورې د چيني کېدو لپاره هڅې
پر حقيقت او ارمان ټینګار لرل څه مانا لري؟ د چين د کمونېست ګوند د لومړۍ ډلې ګوندي غړو پر دې ټينګ باور درلود چې د مارکسيزم په رڼا کې چین وژغورل شي او يوه عادلانه نوې ټولنه خامخا جوړه شي. هغوی د دې ارمان د رښتيا کولو لپاره د ۱۹۲۱م کال کې د دې ګوند له جوړولو څخه په ۱۹۴۹م کال د نوي چين تر جوړولو پورې ډېرې هڅې کړې وې او څه باندې درې میليونه او اووه سوه زره غړي قرباني شوي وو او پر خپل ارمان د ټينګار لرلو او د خپلو راتلونکو نسلونو د نېکمرغه ژوند د لټولو لپاره يې خپل ژوند له لاسه ورکړی و.
دا چې د چین د کمونېست ګوند تل پر حقيقت ټینګار لري، نو حکومت يې تل په ټولنيزې او اقتصادي ابادۍ کې په سمه توګه خپلې تګلارې تنظيمې کړې دي. هغوی د نوي چین د جوړولو په پیل کې صنعتي بنسټ ايښودلی، د ورخلاصون او اصلاحاتو په موده کې يې بازاري اقتصاد ته پرمختګ ورکړی او په نوې زمانه کې يې د باکيفيته پرمختګ د موندلو او د ټولو خلکو د ګډ شتمنېدو لپاره ډېرې هڅې کړې دي. د دوی هر ګام د چین له مشخصاتو او د زمانې له تمايل سره سمون لري.
اصلي موخه: د چین د کمونېست ګوند د بې وزلۍ د له منځه وړلو ترڅنګ له نورو هېوادونو سره ګډ پرمختګ مومي
د چین کمونېست ګوند هېڅکله خپله اصلي موخه نه ده هېر کړې او خپل مسؤلیت پر غاړه اخلي. دغه ګوند په تېرو څه باندې څلوېښتو کلونو کې د خلکو د بې وزلۍ د لرې کولو لپاره ډېر زيار ايستلی چې له امله يې ۷۷۰ میليونه چينايان له بې وزلۍ څخه وتلي دي. دغه شمېر د اروپا د عمومي نفوس په پرتله زيات دی. خو هغوی نه یوازې د خپلو خلکو نېکمرغه ژوند ته پام اړولی بلکې له نورو هېوادونو سره د ګډ پرمختګ په لټه دي.
د چين د کمونېست ګوند د جوړولو عالي روحيه تر ۱۰۵کلونو وروسته د چينايانو د ژوند د ښه والي او د روښانه راتلونکې د برابرولو لپاره پر هر ګام بدله شوې او د چینايانو د ورځني ژوند یوه برخه ګرځېدلې ده.
