د شينجيانګ اويغور کورواکه سيمه د چين په شمال لوېديځ کې پرته ده او پراخوالی يې ۱۶۶۴اعشاريه۹زره مربع کيلومترو ته رسېږي او د ټول هېواد يو په شپږمه برخه نيسي. دغه سيمه د پاکستان، قزاقستان او افغانستان په شمول له اتو هېوادونو سره ګډه پوله لري. هغه افغان ملګري چې شينجيانګ ته سفر کړی، هلته طبيعي منظرې، د پرمختګ په حال کې اقتصاد او ورته دودونو ستاينه کوي.
په دوبي کې شينجيانګ د بېلابېلو ځايونو سيلانيان راجلبوي، ځکه چې په دې وخت کې د غرونو دښتې، شین اسمان او اوبه په طبيعي منظرو کې خلک د ښارونو له ګډوډۍ څخه ارام ساتلي او شاعرانه ژوند احساسوی شي. د پر له پسي سيلانيانو راتګ د شينجيانګ اړوند ځايي کارکوونکو ته زياتې ګټې رسولې دي. د جولای په مياشت کې مې (ډيوه) شينجيانګ ته سفر کړی، چې د هندارې په شان جهيل سيل یې کړی، پر آس باندې دښتې ته ختلې……هر ځای ته چې نوموړې ورسېږي، احساس به کړي، چې دا نه يوازې د پاکو اوبو او زرغون غرونو منظرې دي، بلکې د سروزرو غرونو ارزښت هم پکې زيات دی. د چين رهبر شي جين پينګ پر دې ټينګار کړی، چې پاکې اوبه او زرغون غرونه د شتمنۍ سرچينه ده. د ښکلي شينجيانګ اسمان دې نور شين وي، غرونه نور زرغون شي او اوبه لا نورې پاکې شي. شينجيانګ ته د سفر په شېبه کې نوموړې د دغې جملې اهميت پيدا کړی.
شي جين پينګ د ۲۰۰۵م کال د اګست په ۱۵مه نېټه د لومړي ځل لپاره هغه علمي وړانديز کړی، چې پاکې اوبه او زرغون غرونه د شتمنۍ سرچينه ده او د اګست ۱۵مه نېټه د چين د ايکولوژيکي ورځې په توګه وټاکل شوه. د لسو کلونو راهيسې، د چين په بېلابېلو ځایونو کې د (پاکې اوبه او زرغون غرونه د شتمنۍ سرچينه ده) د تلپاتې پرمختیا موخه او په هراړخيزه توګه د ښکلي چين ابادۍ او د انسانانو او طبيعت د هوسا او ګډ ژوند هڅونه شوې.
پاکې اوبه او زرغون غرونه له طبيعت څخه انسانانو ته ښکلې منظرې، د کرنې او مالدارۍ ځمکې او کانونه دي. په چين کې يوه اصطلاح ده، چې له لرغونې زمانې راهيسې، خلک د غرونو او اوبو په اتکا ژوند کوي، مانا دا ده، چې خلک د اوسېدو په ځايونو کې څه شرايط لري، نو د دغو شرايطو له مخې ژوند کولی شي.
ويلی شو، چې پاکې اوبه او زرغون غرونه هم په چين کې د لسګونو کلونو راهيسې د بېوزلۍ له منځه وړلو او په هراړخيزه توګه د کليو د سمسورتيا لپاره يو مهم راز دی.
د شينجيانګ ښکلې منظرې ځايي اوسېدونکو ته سيلانيان متوجه کړي دي او هم پراخې کرنيزې ځمکې، د مېوو ونې رسولې دي. د شينجيانګ د خوټن په قاراقاش ولسوالۍ کې د لمر د سختوالي او د شپې او ورځې د تودوخې د لوی توپير له امله ښه کيفيت لرونکي خرما توليدېږي. د شينجيانګ د ئيلي ايالت د قورغاس ولسوالۍ د لاوينډير ګلونو په تکيه سيلانیز پرمختګ کوي او د اړوندو توليداتو چارې ځايي خلکو ته سترې ګټې رسولې دي. د شينجيانګ هر ځای د ځان د طبيعي ښېګنو له مخې ځانګړتيا لرونکي کرنيزې چارې جوړې کړي او دغه ډول بېلګې بې شمېره دي.
اوس خلک د پاکو اوبو او زرغون غرونو څخه د ګټو اخيستلو په همدې وخت کې هم د ايکولوژيکي چاپېريال ساتنې لپاره کوشش کوي، ځکه چې شينجيانګ تلپاتې پرمختیا غواړي او په اوږده راتلونکي کي به لا هم دغه پاکې اوبه او زرغون غرونه ولري.
