اوس مهال نړۍ بيا د تاريخ په څلور لارې کې ولاړه ده او د اسيا او ارام سمندر مقام او رول لا مهم شوی دی. د چين د دولت رئیس شي جين پينګ د نومبر په اتلسمه نېټه د اسيا او ارام سمندر د اقتصادي همکارۍ سازمان د مشرانو په ۲۹مه غير رسمي غونډه کې ګډون وکړ او په نوي عصر کې يې د اسيا او ارام سمندر د ګډ برخليک د ټولنې د ابادۍ په هکله څلور فقره ييز وړانديز وکړ، چې همدا د اسيا او ارام سمندر د همکاريو د پياوړتيا او د سيمه ييز پرمختګ د پرمخبېولو لپاره يې لوری روښانه کړ.
د اسيا او د ارام سمندر سيمې نفوس په نړۍ کې يوه په درېيمه برخه او د عمومي اقتصاد اندازه یې د نړۍ د عمومي اقتصادي اندازې په سلو کې شپېته برخه نيسي. په تېرو څو لسيزو کې د اسيا او ارام سمندر سيمې اقتصادونو په اقتصادي همکارۍ کې ډېرې لاسته راوړنې درلودلې او تعجبې چارې يې تر سره کړې، چې دغه سیمه د نړيوال اقتصادي پرمختګ انجين ګرځېدلی دی. اوس مهال د کرونا وبا لاهم د خپرېدو په حال کې ده او يو اړخېزم او د سوداګرۍ ساتونکې کړنې ډېرې شوي او د انسانانو پرمختګ له ډېرو ننګونو سره مخ دی. زمونږ نړۍ دې په کوم لوري روانه شي او د اسيا او ارام سمندر سيمه دې څنګه پرمختګ ومومي؟ مونږ غواړو دغې پوښتنې ته ځواب ور کړو.
د چين د دولت رئيس شي جين پینګ په يادې غونډې کې دغه څلور فقره ييز وړانديز وکړ: ۱ـ د اسيا او ارام سمندر سيمې د اقتصادي همکاريو سازمان غړي دې نړيوال عدالت وساتي او سوله ييزه او ثابته اسيا او ارامه سمندري سيمه دې اباده کړي.
۲ـ د دغه سازمان غړي دې په ټولشموله او پرانيستې رويې يوه ګډه شتمنه سيمه اباده کړي.
۳ـ د اسيا او ارام سمندر سيمې د اقتصادي همکاريو سازمان غړي دې پر ټيټ کاربون لرونکي او زرغون پرمختګ د افکارو په ټينګار يوه ښکلې او پاکه سيمه جوړه کړي.
۴ـ د دغه سازمان غړي دې د ګډ برخليک ټولنې پر ابادۍ ټينګار ولري او داسې سيمه دې اباده کړي، چې ټول پکې يو له بل سره مرستې وکړای شي. دغه څلور فقره ييز وړانديز يادې پوښتنې ته څرګند ځواب دی.
سوله د پرمختګ مخکنی شرط دی. په تېرو څو لسيزو کلونو کې د اسيا او ارام سمندر سيمې اقتصاد چټک پرمختګ موندلی، چې دا د دې سيمې له سوله ييز او ثابت چاپيريال سره تړاو لري. دغه سيمه د چا باغ نه دی او د لويو هېوادونو ترمنځ د سياليو ډګر دې نه ګرځي. رئيس شي جين پينګ پر دې ټينګار کړی، چې مونږ دې د سوله يیزو خبرو اترو او مشورو له لارې د هېوادونو ترمنځ توپيرونه او اختلافونه حل کړو. که خپلمنځي اختلافونه رامنځته شي، يو له بل سره دې سلا مشوره وکړو. له دې څخه د سیمه يیزې سولې د ساتلو لپاره د چين ټينګه اراده ښکاري. د اسيا او ارام سمندر خلک باید هېچا ته د هرې هغې دسيسې د جوړولو اجازه نه ورکوي، چې غواړي نوې سړه جګړه پيل کړي.
پرمختګ د سولې ضامن دی. رئيس شي جين پينګ په خپلو خبرو کې پر پرانيستې او ټولشمولې روحيې ټينګار کړی دی. معنی يې دا ده، چې په دې سيمې کې اقتصادونه بايد سيمه ييز صنعتي او برابروونکي ځنځيرونه ونښلوي او د اسانې سوداګرۍ او پانګونې د برابرولو او د سيمه ييز اقتصاد د يو ځای کېدو بهير د پرمخبېولو لپاره دې هڅې وکړي، ترڅو په سيمه کې په لوړې سويې د ازادې سوداګرۍ سيمه اباده شي. په ورته وخت کې هغه په خپلو خبرو کې پر دې ټينګار کړی، چې د سيمې هېوادونه او اقتصادونه دې ټيټ کاربون لرونکي او زرغون پرمختيایي افکار ولري، د ايکولوژيکي چاپيريال ساتنې ته دې پاملرنه وکړي، له اقليمي بدلون سره دې مقابله وکړي او پاکه او ښکلې اسیا او د ارام سمندر سيمه دې اباده کړي. سربېره پردې هغه د ګډ برخليک ټولنې پر ابادۍ ټينګار کړی دی. ځکه دا د اسيا او ارام سمندر د لويې کورنۍ بنسټیزه غوښتنه ده او د دې سيمې د همکاريو سم لوری هم بلل کیږي.
په ټايلنډ کې هغه متل چې وايي کوم ډول چې تخم کرل کيږي، هماغه ډول ميوه پیدا کیږي. که د دې سيمې هېوادونه او اقتصادونه په يو پرمختيايي لوري کې د موخې د تر سره کولو لپاره د يووالي او همکاريو له لارې خپل مسؤليت پر غاړه واخلي، نو د دې لويې کورنۍ له خوا کرل شوی تخم به خوږې ميوې پيدا کړي او د دغې سيمې خلک به نوی تعجبې چارې تر سره کړي. چين به هم د خپلو واقعي عملياتو له لارې هغه حقيقت ثابت کړي: دا مهمه نه ده چې چين به څومره پرمختګ وکړي، خو رېښه به يې تل په اسيا او ارام سمندر کې ځای ونيسي او د دې سيمې د ابادۍ او دغې سيمې ته د ګټې راوړلو لپاره هڅې وکړي.
