په جينوا کې د ملګرو ملتونو په دفتر کې او په سويس کې نورو نړيوالو سازمانونو کې د چين دايمي استازي چن شوی د جون پر ۲۸مه د ملګرو ملتونو د بشري حقونو شورا په ۵۳مه غونډه کې د خپلې وينا په ترڅ کې د نړيوالو اتحادونو د مسئلې په هکله د چين دريځ بيان کړ.
چن شوی په اشارې سره ويلي، چې د بشري حقونو په نړيواله غونډه کې «د وينا اعلاميه او عملياتي سند» تصويب شوی، چې د نړيوالې ټولنې د ژمنې پوره کولو لپاره ټينګ هوډ ښودل شوی. چين تل د نړيوال يووالي، د انسانانو د ګډ برخليک د ټولنې او د ښکلې نړۍ د ابادۍ ساتنه او ملاتړ کوي.
چن شوی پر دې ټينګار کړی، چې د بشري حقونو د نړيوالو چارو د سالم پرمختګ پرمخ بېول يووالي او همکاريو ته اړتيا لري، خو توندلارۍ، تاوتریخوالي او مقابلې ته نه. چين له بېلا بېلو هېوادونو څخه غوښتنه کوي، چې «د ملګرو ملتونو منشور» موخې او اصول یې عملي کړي، د مساواتو او درناوي پر بنسټ د بشري حقونو په اړه همکارۍ پراخې کړي، د بشري حقونو مسئلو د سياسي او وسيلې کېدو له کړنو سره په ګډه مخالفت وکړي او د واقعي فعاليتونو له لارې د بشري حقونو نړيوالو چارو سالم پرمختګ ته خدمتونه وکړي.
