د کورنیو چارو وزیر د کابل ښاروال کړنې وستايلې

د کورنیو چارو وزیر خلیفه سراج الدین حقاني په کابل د بیارغونې او سمسورتیا په هکله د کابل ښاروال عبدالرشید بلوڅ او يو شمېر نورو مسوولينو کړنې ستایلې دي. دغه وزارت په يوه خبرپاڼه کې ليکلي، چې په همدې موخه جوړه شوې غونډه کې د کورنیو چارو وزیر، د کابل ښاروال کړنې ستایلې او د امنیت ټینګښت، ښاري نظم او ابادۍ په هکله یې هر اړخیزه وینا کړې ده. په خبرپاڼه کې راغلي، چې د کابل ښاروال تر څنګ، د کابل امنیه قومندان، د استخباراتو رییس او د کابل مرکزي قول اردو قومندان هم د کورنیو چارو وزیر له لوري د دوی د ښه همغږۍ او لاسته راوړنو په پار ستایل شوي دي.