د کډوالۍ سازمان د هرات زلزله ځپلو سره مشورتي غونډې کړې دي

د کډوالۍ نړیوال سازمان وايي، د دوی سلاکارانو د هرات په زلزله ځپلو سیمو کې له یو شمېر نارینه وو، ښځو او ماشومانو سره له زلزلې وروسته وضعیت په اړه مشورتي غونډې جوړې کړې دي. په یوه ویډیو کې چې یاد سازمان پرون پر خپله ټویټر پاڼه خپره کړې، د دې ادارې یو سلاکار عبدالولي وايي، زلزلې، سېلابونه، جګړې او اوراخیستنې په هر ځای کې خلک له ذهني او روحي پریشانیو سره مخامخ کوي. په همدې حال کې د ملګرو ملتونو د بشري مرستو د همغږۍ اداره، اوچا وايي، د هرات زلزلې پر ۵۴ زره تنو اغېز کړی چې د هغو په منځ کې ۷ زره ۵۰۰ اومیندوارې ښځې دي.