روسیې او تاجکستان د افغانستان پر وضعیت خبرې کړې دي. د رسنیو د راپورونو له مخې د تاجکستان ولسمشر امام علي رحمان له خپل روسي سیال ویلادیمیر پوتین سره ټلیفوني خبرې کړې دي. په دې مکالمه کې پر دوه اړخیزو اړیکو او د سیمې پر وضعیت خبرې شوې دي.
دواړو لورو د ګډو دوه اړخیزو مسایلو تر څنګ د افغانستان په اړه هم خبرې کړې دي. دوی دمګړی د افغانستان وضعیت اندېښمنوونکی بللی او خپلې اندېښنې یې له یو بل سره شریکې کړې دي. تر څنګ یې د سیمې پر وضعیت هم غږېدلې دي.
\تاجکستاني او روسي لوري اندېښنه څرګنده کړې چې ښایي په افغانستان کې ځينې وسله والې ډلې موجودې وي او د سیمې امنیت ته خطرونه جوړ کړي، خو افغان حکومت بیا په ځلونو دغه ډول ادعاوې رد کړې دي او ټینګار کوي چې دوی هېچا ته له افغان خاورې نورو هېوادونو ته د خطر او ګواښ جوړولو اجازه نه ورکوي.
