روغتیا وزارت: هېواد کې د کرونا ۹۵ نورې مثبتې پېښې ثبت شوې

روغتیا وزارت وایي چې په تېرو ۲۴ ساعتونو کې د هېواد په بېلابېلو ولایتونو کې د کرونا وبا ۴۸۹ نمونې څېړل شوې دي چې له ډلې یې د ۹۵ هغو پایله مثبته وه، له دې سره پر یادې ناروغۍ د اخته کسانو شمېر ۴۱ زره او ۳۲ ته رسېدلی دی. د یاد وزارت په خبره، په همدې موده کې پر کرونا اخته پنځه تنه مړه شوي او ۶۷ نور بیا بېرته روغ شوي دي. د روغتیا وزارت د وروستیو معلوماتو له مخې، تر اوسه په هېواد کې له کرونا وبا د مړه شویو کسانو ټول شمېر یو زر او ۵۲۳ ته او د بېرته رغېدلیو هغه بیا ۳۴ زره او ۲۱۷ ته لوړ شوی دی.