سرپرست حکومت: د اسلامي همکاریو سازمان د استازو له مشورو ګټه اخلو

د افغانستان سرپرست حکومت وايي چې د اسلامي همکاریو سازمان له لیدلورو او وړاندیزونو څخه به د نظام د پرمختګ لپاره کار واخیستل شي. د سرپرست حکومت ویاند وايي چې د ا.ا له بېلابېلو چارواکو سره د اسلامي همکاریو د سازمان د استازو په کتنو کې د افغانستان پر مهمو مسئلو خبرې شوې دي او زیاتوي چې د دغه سازمان استازو ته ډاډ ورکړل شوی دی، چې د دغه پلاوي له نظریاتو او وړاندیزونو به د اسلامي نظام د تطبیق په برخه کې ګټه واخیستل شي. دا په داسې حال کې ده، چې د سرپرست حکومت ویاند په کندهار کې د دغه ولایت له والي سره د قطري استازو د کتنې خبر ورکړی او ویلي یې دي، چې دواړو لورو د روغتیا او پوهنې په برخه کې د همکاریو پر زیاتېدو خبرې کړې دي.