سرپرست حکومت: سږ کال په هېواد کې په لویو پروژو پانګونه کوو

سرپرست حکومت وايي، چې سږ کال به په لویو پروژو له هغې ډلې د اوبو مدیریت، د کانونو د را ایستلو او ورته نورو پروژ کې پانګونه وکړي. د سرپرست حکومت د ویاند مرستیال ټینګار کوي چې حکومت له کورنیو او بهرنیو پانګوالو ملاتړ کوي او هغوی ته لا زیاتې اسانتیاوې برابروي. نوموړی وايي، سرپرست حکومت په تېر کال کې د اقتصاد په برخه کې ډیر کارونه کړي او سږ کال به هم په نورو بنسټیزو پروژو پانګونې وشي. اقتصادي کارپوهان په تېر یوه کال کې په افغانستان کې ترسره شوي فعالیتونه بسیا نه بولي. د ملګرو ملتونو د معلوماتو له مخې په افغانستان کې په تېر څه باندې یو نیم کال کې شاوخوا اووه سوه زره کسانو خپل کارونه له لاسه ورکړي دي.