سوداګرۍ وزارت: روان کال به هېواد کې ۸ میلیارده ډالره پانګونه جذب شي

د صنعت او سوداګرۍ وزارت وايي، په روان کال کې به په هېواد کې نږدې ۸ میلیارده ډالره پانګونه وشي. د دې وزارت مسوولین زیاتوي چې دا پانګونه به د کرنې، کانونو استخراج او پروسس په برخو کې وشي. د صنعت او سوداګرۍ وزارت مسوولین وايي، چې د دې پانګونې د بهیر پیلېدو سره به هېواد کې د اقتصادي پراختیا او د بې کارۍ په کمښت کې ژور اغېز ولري. د سوداګرۍ او پانګونې خونې مسوولین وايي، چې هېواد کې په سترو پروژو کې د پانګونې او د هغوی عملي پیل  کېدل کولی شي هېواد له اقتصادي بحران څخه وباسي.