سیمه‌ییز چارواکي:فاریاب کې د طالبانو راکټي بریدونو څلور ملکیان وژلي

د فاریاب ولایت امنیتي چارواکي وایي چې په دغه ولایت کې د طالبانو په راکټي بریدونو کې اتلس ملکي وګړو ته مرګ ژوبله اوښتې ده. د فاریاب د پولیسو ویاند کریم یورش رسنیو ته ویلي چې طالبانو غوښتل په هاوان مرمیو د دغه ولایت د شرین‌تګاب ولسوالۍ مرکز په نښه کړي خو د ملکي وګړو پر یو کور لګېدلي چې په پایله کې یې څلور ملکي وګړي وژل شوي او ۱۴ نور ټپیان دي. د هغه په خبره، په دې پېښه کې ښځو او ماشومانو ته هم مرګ ژوبله اوښتې ده، ټپیان روغتون ته لېږدول شوي او روغتیایي حالت یې د ډاډ وړ دی. طالبانو تر اوسه په دې اړه څه نه دي ویلي.