سیګار وایي امریکا ته په کار ده چې افغانستان کې له ماتې درس واخلي. سیګار یا د افغانستان پر بیا رغونه د امریکا ځانګړي مفتش په تازه څرګندونو کې ویلي چې امریکا په افغانستان کې په تېرو شلو کلونو کې داسې تېروتنې وکړې چې په پایله کې یې له ماتې سره مخ شوه.
سرچینه کاږي له همدې امله د امریکا حکومت ته په کار ده چې له دې تجربو او ماتو درس واخلي. سیګار وايي که امریکا په افغانستان کې له ماتو او تجربو درس وا نه خلي نو ښایي په راتلونکو جګړو کې له ورته ماتې سره مخ شي.
سیګار داسې مهال دغه څرګندونې کوي چې امریکايي حکومت وار له مخه یوه کمېټه ټاکلې څو افغانستان کې د امریکا تېروتنې و ارزوي او په راتلونکو درېیو کلونو کې له دې تېروتنو خپلې پایلې حکومت ته وسپاري او په راتلونکو پالیسیو کې ترې ګټه واخلي.
