د چين د کمونېست ګوند د مرکزي کمېټې عمومي منشي، دولت رئيس او د مرکزي پوځي کمېتې رئيس شي جين پينګ د دغه ګوند د تاسيس د ۱۰۵کليزې د رارسېدو په درشل کې، د سينهوا اژانس د کمونېست ګوند غړي جانګ ليان شنګ ته ځوابي پيغام لېږلی او د ده په شمول د کمونېست ګوند له پخوانيو غړو څخه يې د زړه له کومي مننه کړې ده.
شي جين پينګ په دغه پيغام کې ليکلي، جانګ ليان شنګ د انقلاب په موده کې د مرکزي ادارې د څلورمې ډلې د راپور جوړونکي په توګه د کمونېست ګوند له مرکزي کمېټې سره يو ځای د شان شي ولايت شمال ته تللی و او ټول ژوند یې د مخابراتي ټېکنالوژۍ په چارو کې زحمت ايستلی او اوس په سپينږيرتوب کې هم د کمونېست ګوند او دولت د کارونو پرمختګ ته پاملرنه کوي. شي جين پينګ په پيغام کې نوموړي ته درناوی څرګند کړی دی.
شي جين پينګ ويلي: (( تاسې ما ته په پيغام کې ليکلي، چې له کمونېست ګوند سره دايمي مل واوسم او د څلورمې ډلې د غړي روحيه ولوبوم، ځکه دا له کمونېست ګوند سره د ژورې مينې احساسات ښکاره کوي. کمونېست ګوند بايد په نوې زمانه کې پخوانۍ روحيه وساتي، غړي يې باید خپلې دندې يادې او عملي کړي او نوي خدمتونه وکړي.))
