د چین دولت رئیس شي جين پينګ د اپرېل په ۲۹مې نېټې د شانګهای همکارۍ سازمان زرغون او دوامداره پرمختګ فورم ته د مبارکۍ پيغام لېږلی دی.
نوموړي په پيغام کې لیکلي، چين پاکې اوبه او زرغون غرونه ارزښتناکې شتمنۍ بولي او د همدې مفکورې په رڼا کې د ایکولوژیکي لومړیتوب او د زرغون پرمختګ پر لارې ټینګار لري او د نړیوال ایکولوژیکي تمدن ګډونوال، ونډه وال او لارښوونکی پاتې شوی دی.
روان کال د شانګهای همکارۍ سازمان د جوړېدو له ۲۵مې کلیزې سره برابر دی او هم د چین د ۱۵م پنځه کلن پلان پیل دی.
شي جين پينګ ويلي، چین به له بېلا بېلو خواوو سره “شانګهای روحیه” خپره او خپلې دندې به پلې کړي او په ګډه به ورسره یوه پاکه، ښکلې او تلپاتې نړۍ جوړه کړي.
