شیخ هبت الله له خپلو ټولو نظامیانو او چارواکو غوښتي چې د عفوې فرمان ته یې درناوی وکړي. د قطر دفتر ویاند ډاکټر نعیم په یوه خپره کړې اعلامیه کې ویلي، چې مشر یې شیخ هبت الله په ټول افغانستان کې له خپلو چارواکو او نظامیانو غوښتي چې د عفوې فرمان ته درناوی وکړي او د تېر حکومت کسانو ته دې په بېلو نومونو جزا نه ورکول کېږي.
هغه یو ځل بیا ویلي چې عمومي عفوه اعلان شوې ده او امنیتي کسان د چا د ځورولو حق نه لري. نوموړي همدا راز ویلي چې ټول افغانان سره وروڼه دي او په خپل هېواد کې د سوله ییز ژوند حق لري نو له همدې امله علماوو، مشرانو او سیمه ییزو مسوولینو ته په کار ده چې خلکو ته قناعت ورکړي او بهر ته له تګ یې راوګرځوي.
