طالبانو بغلان کې ۶۵ سرتېري خوشې کړي دي

طالبانو په بغلان ولایت کې په وروستیو جګړو کې نیول شوي ۶۵ سرتېري له خپل بند څخه خوشې کړي دي. د طالبانو ویاند ذبیح الله مجاهد ویلي، دغه سرتېري چې اووه تنه یې ټپیان هم وو د روژې مبارکې میاشتې په مناسبت له بند څخه خوشې شوي دي. هغه ویلي، چې هر زنداني ته یې د لارې خرڅه او یوه یوه جوړه جامې هم ورکړې دي. نوموړي زیاته کړې چې دوی وړاندې تر دې هم په یو شمېر ولایتونو کې ګڼ شمېر افغان سرتېري له خپلو زندانونو څخه خوشې کړي دي.