طالبان: اجازه نه ورکوو چې افغان خاروه د امریکا پر ضد وکارول شي

طالبان وايي هیچاته اجازه نه ورکوي چې د افغانستان خاوره د امریکا او متحدینو پر ضد یې وکاروي. یادې ډلې د یوې اعلامیې په خپرولو سره د ملګرو ملتونو امنیت شورا هغه راپور هم رد کړی دی چې ویلي وو په افغانستان کې لا هم د القاعده په ګډون ۱۲ وسلوالې ډلې فعالیت کوي. یاده ډله دا څرګندونې وروسته تر هغه کوي چې له دې وړاندې د ملګرو ملتونو د امنیت شورا خبر ورکړی وو چې القاعده ډله د افغانستان په ۱۲ ولايتونو کې په پټه فعاليت کوي او د يادې ډلې مشر ایمن الظواهري هم په دغه هېواد کې دی. د یادونې ده چې د امریکا او طالبانو ترمنځ د هوکړې یوه برخه کې ژمنه شوې وه چې طالبان به له القاعده او بهرنیو ترهګرو ډلو سره خپلې اړیکې پرې کوي.