لاس انجلس ټایمز: ۴۰۰ زره افغان کډوال ایران ته تللي دي

لاس انجلس ټایمز ورځپاڼې ویلي چې په تېرو څو میاشتو کې شاوخوا ۴۰۰ زره افغان کډوال ایران ته تللي دي. تر دې مخکې هم د ایران له خوا د افغان کډوالو د جبري شړلو راپورونه خپاره شوي وو. دا د هغو افغانانو شمېر درې چنده دی چې د امریکا او نورو لوېدیځو ځواکونو له خوا د کابل تر نیولو وروسته په سختو ورځو کې له افغانستانه تللي دي. د راپورونو له مخې ایران اوس مهال د افغانستان د ټول نفوس لس سلنه کوربه دی. له لاس انجلس ټایمز سره په خبرو کې یو شمېر قاچاقبرانو ایران او لویدیځو هېوادونو ته د کډوالۍ لپاره د افغان اتباعو د غوښتنې د زیاتوالي خبر ورکړی. د لاس انجلس ټایمز د راپور له مخې، ایران ته د افغان وګړو مخ پر زیاتیدونکي مهاجرت اروپايي هېوادونو هم اندېښمن کړي دي، ځکه ډېر شمېر کډوال غواړي چې د ایران او ترکیې له لارې اروپايي هېوادونو ته لاړ شي.