لغمان کې د ۴۵۰ میلیونو افغانیو په لګښت ګڼ شمېر پروژې پیل شوې

د لغمان د کلیو، بیارغونې او پراختیا ریاست مسوولین وايي، چې په الیشنګ ولسوالۍ کې د ۴۵۰ میليونه افغانیو په لګښت د ګڼ شمېر پروژو، د بنسټ ډبرې کېښودل شوې. د دغه ولایت د کلیو، بیارغونې او پراختیا رییس وايي، چې دغه پروژې د  یونېفس  موسسې په مالي ملاتړ د ۴۵۰ میلیونه افغانیو په لګښت پلې کېږي، چې په کې د ۲۰۰ کیلومتره سړک رغول، ۴۰۰ کیلومتره سړک بیارغونه ،۱۲۰۰ کیلومتره کانال پاکول، ۳۰ کیلومتره استنادي دېوالونو رغول او د دې ترڅنګ ۱۶۵۰ بی سرپرسته کورنیو ته ۱۰ زره افغانیو په ارزښت خوراکي توکو ورکول شامل دي چې په دې سره به ۲۴ زره کسانو ته د کارزمینه برابره شي. نوموړي زیاته کړه، چې اوسمهال په دغه ولایت کې یې ۳۳ موسسو له لوري د ۹۲ پروژو چارې روانې دي.