له بغلان تر کابله د برېښنا لېږد مزي چارې ۷۵ سلنه بشپړې شوي

د بغلان ولایت د دشت خواجه الوان څخه د کابل ولایت ارغندۍ ته د ۵۰۰ کیلو ولټه برېښنا مزي د لېږد پروژې چارو کې ۷۵ سلنه پرمختګ شوی دی. د مسوولینو په خبره د دې پروژې په بشپړېدو سره به له ترکمنستان څخه زر میګاواټه برېښنا وارد شي او د کابل د ګاونډیو ولایتونو په ګډون به په ۱۲ ولایتونو کې د برېښنا د کمښت ستونزه هواره شي. د اوبو او انرژۍ وزارت چارواکي وايي، چې د پروژې کار ۷۵ سلنه بشپړ شوی او د پروژې پاتې برخو کار لا هم روان دی.