له پاکستانه ۳۳۸ نور افغانان کاناډا ته ولېږدول شول

د کاناډا د کډوالۍ او تابعیت ادارې ویلي چې د افغان کډوالو د تخلیې د پروګرام په لړ کې یې پرون له پاکستان څخه ۳۳۸ نور افغان کډوال هم دغه هیواد ته انتقال کړي دي. دغې ادارې ویلي، چې دا کډوال په یوه چارټر الوتکه کې ونکوور ته انتقال شوي دي، چې ټاکل شوې د دغه هیواد په ۴۰ ټولنو کې به ځای پر ځای شي. کاناډا د روان کال د اکتوبر د میاشتې وروسته چې پاکستان ددغه هیواد څخه د قانوني اسنادو نلرونکو افغان کډوالو د ایستلو بهیر چټک کړی تراوسه په څو چارټر الوتکو کې له اسلام اباد څخه د کاناډا مختلفو ښارونو ته افغانان انتقال کړي دي.