د روان کال له پيل راهیسې، د لویو ماډلونو د اوپن سورس یا پرانيستو سرچينو په برخه کې د چين ګامونه د پام وړ ګړندي شوي او ډېرو مخکښو شرکتونو یې يو پر بل پسې مهم ماډلونه وړاندې کړي دي.
د چين مونشوټ (moonshot) شرکت د جولای په ۲۸مې نېټې خپل پیاوړی ماډل کيمي کۍ ۳ (Kimi K3) کې د مونشوټ ځينې پرانیستې سرچينې وړاندې کړي، چې په متونو کې يې د ماډلونو بشپړ وزنونه، تخنيکي راپور او د ماډلونو د روزنېزو زېربناوو درې اساسي ټیکنالوژۍ شاملې دي. د نړۍ هر کس کولی شي، چې دغه ماډل وړیا ډاونلوډ او ګټه ترې واخلي.
دا د چيني شرکتونو لومړی ځل نه دی، چې خپل لوی ماډلونه وړاندې کوي، بلکې مخکې يې هم نړۍ ته ډېر ماډلونه وړيا وړاندې کړي دي.
د يادونې ده، د کيمي کۍ ۳ (Kimi K3) ماډل پیرامیټر دوه عشاریه اته ټریلیونو ته رسېدلی، چې دا شمېر په نړۍ کې د نورو پرانیستو ماډلونو په پرتله ډېر زیات دی.
د چين شرکتونو په روان کال کې د لویو ماډلونو د پرانيستو ګامونه ډېر ګړندي کړي او ډېرو مخکښو شرکتونو یې نړۍ ته خپل مهم ماډلونه وړاندې کړي دي.
د چين یو شمېر مخکښو شرکتونو یوازې د روان په لومړۍ نيمايي کې نړۍ ته ډېر نمونوي پرانیستي ماډلونه وړاندې کړي دي.
د لويو پرانيستو سرچينو يا اوپن سورس ځيرکو ماډلونو لومړي لوی نړيوال پلیټفارم د ۲۰۲۶م کال پسرلنی راپور ښيي، چې په چين کې د پرانيستو سرچينو ماډلونو د ډاونلوډ شمېر د نړۍ ۴۱٪ نيسي. سربېره پر دې، د نړۍ د مهو لویو ماډلونو د استفادې درجه بندۍ کې لومړي شپږ ماډلونه چيني ټيمونو جوړ کړي او د چيني ماډلونو پيمانې د کال په نهمو مياشتو کې لومړی نړيوال ځای خپل کړی او دغه ريکارډ يې بيا بيا نوی کړی دی او پرمختګ يې د نړۍ مخکښ ځای کې پاتې شوی دی.
د پیمانې له پلوه، د چین پرانيستو سرچينو يا اوپن سورس سیسټم کې له سلګونو ميلیونو څخه تر سلګونو ميلیارډو پیرامیټرو پورې ماډلونه شامل دي، کوچني ماډلونه يې په موبایلونو یا د فابریکو تجهیزاتو کې افلاین کارول کېږي او لوی ماډلونه يې د پيچلې څېړنې او تحلیل دندې بشپړولی شي؛ پدې مانا، د ټرمينلي وسیلو او لویو شرکتونو لپاره مناسب انتخابونه برابريږي.
د استفادې له پلوه، د چين مختلفو سکتورونو لکه موټرو، ماشیني پروسېس، برېښنا او روغتیا پاملرنې، خپل اوپن سورس ماډلونه وړاندې کړي دي. دغه ماډلونه په مستقیم ډول په تجربو او مسلکي پوهې سمبال دي او د بېلا بېلو برخو د واقعي کارونو د بشپړولو وړتياوې لري.
چين په کليدي ټیکنالوژيو کې پرله پسې پرمختګونه موندلي او د نړۍ د مصنوعي ځيرکتيا د پرانيستو سرچينو يا اوپن سورس ماډلونو په برخه کې مهم عرضه کوونکی ګرځېدلی دی. شمېرې ښيي، د چیني اوپن سورس ماډلونو د ډاونلوډ مجموعي شمېر له ۱۰ ميلیارډو ځلو ډېر دی، چې په نړیواله کچه لومړی ځای لري.
په ټوله نړۍ کې د ماډلونو په هرو لسو ډاونلوډونو کې شپږ يې د چيني ماډلونو لپاره شوي دي. د کورنيو پرانيستو سرچينو لوی ماډلونه د جلا شوو ټیکنالوژیکي پرمختګونو څخه د جامع ایکوسیسټم سوکالۍ نوي پړاو ته لېږدول شوي دي. په ټوله کې، د چين د اوپن سورس ماډلونو سکتور سمسور شوی دی.
مصنوعي ځيرکتيا په چين کې د اوپن سورس ماډلونو د تخنيکونو په پرمختګ سره، نه يوازې د توليد، انرژۍ او خدماتو په شمول واقعي اقتصادي سکتورونو کې کارول کېږي، بلکې د دغو سکتورونو د بدلون او اصلاح او د لګښت د کمولو لپاره هم مهم رول لوبوي.
د اوپن سورس ماډلونه په مختلفو سکتورونو او صنايعو کې د مصنوعي ځيرکتيا استفاده نوره هم اسانه کوي.
د چين ماډلونه نه یوازې د خبرو او پوښتنو ته د ځواب ویلو وړتيا لري، بلکې په عملي تولیدي وسیلو هم بدلېږي، ریښتینې دندې ترسره کولی او د تولید موثریت لوړولی شي او د تولید، انرژۍ، ټرانسپورټ، پولي چارو او نورو مهمو سکتورونو کې ترې ژوره استفاده کېږي.
چين کې د اوپن سورس چارو د پرمختګ لپاره ډېرې زیاتې ګټورې پاليسۍ غوره شوې دي.
د چين د صنايعو او معلوماتي ټیکنالوژۍ وزارت د دغه هېواد له اوو ادارو سره په ګډه د مصنوعي ځيرکتيا او توليد د ادغام د پياوړتيا ځانګړی سند خپور کړی او موخه يې پکې ټاکلې، چې چين به د اوپن سورس ماډلونو يو لړ پروژې ترسره کړي، په ۲۰۲۷م کال کې به په تولیدي چارو کې له ۳ تر ۵ پورې لوی عام لوی ماډلونه ځای پر ځای کړي، د صنعتي معلوماتو ۱۰۰ باکیفيته زېرمې به جوړې کړي او ځينې ځانګړې مصنوعي ځيرکې ټيکنالوژۍ به په ۵۰۰ عملي کاري سناریوګانو کې وکاروي.
معلومات ښيي، چين د نړۍ ٪ ۶۰ د مصنوعي ځيرکتيا د اختراع ثبت حقونه لري، چې دا هم په نړۍ کې لومړی ځای نیسي.
د چين د صنايعو او معلوماتي ټیکنالوژۍ وزارت اټکل کړی، چې تر ۲۰۲۵م کال پورې به د دغه هېواد د مصنوعي ځيرکتيا د مهمو صنايعو پیمانه له ۱.۲ ټریلیونو یوانو څخه او د مصنوعي ځيرکتيا د تصدیو شمېر به له ۶۲۰۰ څخه زيات شي. د اوپن سورس چارو په پرمختګ سره به مصنوعي ځیرکتيا په واقعي اقتصاد کې نوره هم استفاده شي او د نوي صنعتي کېدو بهیر او د ډیجیټل اقتصاد باکیفیته پرمختګ ته به دوامدار خوځنده ځواک ورکړي.
