د چین صدراعظم لي چیانګ د جولای په ۱۰مه نېټه په قاهره کې د مصر له ولسمشر عبد الفتاح السيسي سره وکتل.
لي چیانګ السیسي ته وویل چې چین غواړي له مصر سره د اقتصاد، سوداګرۍ، مالي او تولیدي چارو، نوې انرژۍ، ساینس او ټېکنالوژۍ او کولتور په برخو کې د کمربند او لارې د ګډې جوړولو په چوکاټ کې همکارۍ پیاوړې کړي.
د مصر ولسمشر هم په دې لیدنه کې لي چیانګ ته وویل چې د چین د دولت رئیس شي جین پینګ ته د ده د اخلاص ډک سلامونه او درناوي مراتب ورسوي.
ده ویلي چې مصر خپل بازار ته د لازیاتو چیني شرکتونو د ننوتلو هرکلی کوي او د دې لپاره اسانتیاوو برابرولو ته لیواله دی.
دی وايي چې مصر د رئیس شي جین پینګ لخوا وړاندیز شوي د نړیوالو نوښتونو د لړۍ ملاتړ کوي او نړیوالې سولې او پرمختګ ته د ودې ورکولو لپاره له چین سره د څو اړخیزو همکاریو پیاوړتیا ته لیواله دی.
