متقي د چین له سفیر سره د سوداګرۍ پر پراختیا خبرې کړي

د بهرنیو چارو وزارت سر‍‍پرست وزیر مولوي امیر خان متقي، په کابل کې د چین له سفیر وانګ یو سره کتلي دي. د یاد وزارت د معلوماتو له مخې، په دې کتنه کې دواړو لوریو د افغانستان او چین ترمنځ پر سیاسي اړیکو، سوداګرۍ، د بشري مرستو پر پراختیا او افغان محصلینو ته د تخنیکي زده‌کړو د چمتو کولو په اړه هر اړخیزې خبرې کړې دي. سرچینه کاږي چې په دې لیدنه کې دغه راز په ځانګړي ډول د افغانستان او چین ترمنځ د سوداګرۍ پر پراختیا بحث شوی دی او له افغانستان څخه چین ته د جلغوزو د صادراتو پر زیاتوالي او همدارنګه چین ته له نورو لارو د افغان تولیداتو پر رسولو هم ګټورې خبرې اترې شوې دي.