مجاهد: نړیوالې رسنۍ د افغان ماشومانو وضعیت په اړه ناسم تبلیغ کوي

د افغانستان ا.ا ویاند ذبیح الله مجاهد وایي چې نړیوالې رسنۍ د افغان ماشومانو د وضعیت په اړه ناسم تبلیغات کوي. هغه زیاته کړې ده چې د افغان ماشومانو وضعیت هومره هم بد نه دی لکه نړیوال بنسټونه او رسنۍ چې یې په اړه اندېښنه څرګندوي. مجاهد ویلي چې که ستونزې ډېرېږي نو مسوولیت یې هم د نړیوالې ټولنې پر غاړه دی ځکه د ده په وینا دوی د مشروعیت لپاره ټاکل شوي ټول معیارونه پوره کړي دي خو نړیوالې ټولنې لا هم خپلو بندیزونو ته دوام ورکړی دی. د یادونې ده چې د افغان ماشومانو د ملاتړ بنسټ (یونسیف) نن راپور ورکړی دی چې افغان ماشومان په تر ټولو بد بشري وضعیت کې ژوند کوي او دوی له همدې امله سږکال د ماشومانو نړیواله ورځ نه لمانځي.