محمود قریشي: د افغان سولې لپاره رامنځ ته شوی فرصت باید ضایع نه شي

پاکستان او افغانستان په سرحدي سیمو کې د ګډو بازارونو پر رامنځ ته کولو توافق کړی دی. د پاکستان د بهرنیو چارو وزارت له لوري په خپره شوې اعلامیه کې راغلي چې محمود قریشي له خپل افغان سیال حنیف اتمر سره تلیفوني خبرې کړې دي. په دې مکالمه کې پر سوله او سوداګرۍ تمرکز شوی دی. قریشي ویلي چې دوی له افغان سولې سره بشپړې همکارۍ ته تیار دي او تمه لري چې د سولې لپاره رامنځ ته شوی فرصت ضایع نه شي. دواړو لورو همدا راز په سرحدي سیمو کې د ګډو بازارونو پر رامنځ ته کولو هم توافق کړی دی او محمود قریشي ویلي چې په دې سره به د دواړو هېوادونو ترمنځ سوداګریزې او ترانیزیتي اړیکې لا پراخې شي.