مولوي شمس الدین پهلوان لوی څارنوال ټاکل شوی

د افغانستان د سرپرست حکومت د مشرتابه د حکم پر بنسټ مولوي شمس الدین پهلوان د هېواد لوی څارنوال ټاکل شوی دی. شمس الدین وړاندې تر دې د کرنې، اوبو لګولو او مالدارۍ وزارت د مرستیال په توګه دنده ترسره کوله. د افغانستان سرپرست حکومت باندې نیوکې دي چې یوازې ملایانو ته دندې ورکوي او نور مسلکي کسان له هېواده یا وتلي او یا هم هڅه کوي چې د کار او روزګار نشتوالي له امله نورو هېوادونو ته کډوال شي خو ا.ا تل ټینګار کړی دی چې دوی له هیچا سره ستونزه نه لري او مسلکي کارکوونکي پر خپلو کارونو بوخت دي، کوم چې وتلي دوی غږ ورباندې کوي چې بېرته هېواد ته راوګرځي څو یو ځای د هېواد ابادولو ته کار وکړي.