میدان وردګو کې له څه باندې ۳ زره کورنیو سره نغدي مرسته وشوه

د میدان‌وردګ د کرنې، اوبولګولو او مالدارۍ ریاست چارواکي وایي، د دغه ولایت د کرنې ریاست په همغږۍ په جلرېز، حصه‌اول بهسود او مرکزي بهسود ولسوالیو کې پر ۳۳۰۰ بې‌وزله او اړمنو کورنیو ۲۰میلیونه افغانۍ ووېشل شوې. د یاد ولایت د کرنې، اوبو لګولو او مالدارۍ رییس عبد الجبار خالد ویليچې د ملګرو ملتونو د بشري مرستو د همغږۍ دفتر له لوري د دغه ولایت په درې ولسوالیو کې له شاوخوا ۳۳۰۰ بې‌وزله او اړو کورنیو نغدي مرسته وشوه. خالد زیاته کړه، هرې بې‌وزله او سروې شوې کورنۍ سره ۱۱۲ ډالره مرسته شوې. د نوموړي په وینا، هڅه کوي چې ورته مرستې د یاد ولایت په پاتې ولسوالیو کې هم پر بې‌وزله او اړو کورنیو ووېشل شي.