میدان وردګو کې ۵ چکډېمونه جوړ شوي دي

د اوبو او انرژۍ وزارت چارواکو خبر ورکړی، چې د میدان وردګو ولایت په نرخ، چک، جلریز، جغتو، او سیدآباد ولسوالیو کې د ۵ چکډېمونو د جوړولو چارې بشپړې شوې دي. د اوبو او انرژۍ وزارت سرپرست وزیر ویلي، چې د افغانستان سرپرست حکومت د پراختیایي پروژو په برخه کې له ولس سره کړو وعدو ته ژمن دی، چې له امله یې نن ۵ چکډېمونه چې کابو دوه میاشتې مخکې یې د جوړیدو چارې پیل شوې وې ګټې اخیستنې ته وسپارل شول. د مالوماتو له مخې د غه چکډېمونه د اوبو او انرژۍ وزرات له بودجې څخه د ۱۷ میلیونه افغانیو په لګښت جوړ شوي دي. د چارواکو په خبره راتلونکي کال کې به د میدان وردګو ولایت په دریو نورو ولسوالیو کې هم ورته چکډیمونه جوړ شي.