میرور: د ا.ا.ا ځواکونو؛ هرات او بلخ کې د امریکایانو د وسلو دوه ډیپوګان کشف کړي

د میرور په نامه یوې بریتانوي رسنۍ ویلي چې د ا.ا. ځواکونو په هرات او بلخ ولایتونو کې د امریکایانو د وسلو دوه ستر ډیپوګان کشف کړي دي. راپور کاږي چې په دې ډیپوګانو کې درنې وسلې، په سلګونو زره مرمۍ، د جنګي چورلکو وسایل او پرزې، میزایل او نور لوجیستکي توکي شامل دي. د راپور له مخې، امریکایانو دا وسلې ځکه پټې کړې وې چې که چېرته د دوی بیا راتګ ته اړتیا پیدا شي نو پرته له دې چې له ځان سره ډېر تجهیزات افغانستان ته را ولېږدوي نو په دې توګه به یې کار اسانه وي او دلته به یې نږدې بېرته تر لاسه کړي. راپور کې راغلي، دا د امریکایانو لپاره د ستر شرم ځای دی. د راپور وروستۍ برخه کې راځي، پر امریکایانو د داعش ډلې د ملاتړ تور پورې کېږي او دا کار یې ورباندې د لګول شویو تورونو حقیقت سره مرسته کولی شي.