م.م افغانستان کې د ښځو لپاره د لیک لوست زده‌کړې پروګرام پیلوي

د ملګرو ملتونو د ښځو او د یاد سازمان د زده کړو، ساینس او کلتور ادارې د اروپایي ټولنې په مالي ملاتړ د افغانستان په سویل ختیځ او شمال کې د ښځو لپاره د لیک لوست زده کړې او مهارتونو لوړوالي پروګرام پیلوي. د ملګرو ملتونو د ښځو څانګې په یوه بیانیه کې ویلي چې د دغې یو کلنې پروژې ټول لګښت یو میلیون امریکایي ډالر دی او په خبره یې چې په لړ کې به یې ۳ زره او ۹۰۰ سواد لرونکو او نیمه سواد لرونکو ښځو او نجونو ته د زده کړو زمینه برابره شي. د بیانیې له مخې، ګډون کوونکو ته د لیک لوست زده کړو ترڅنګ د معیشیت پراختیا برخه کې هم اړینې زده کړې ورکول کیږي.