ملګري ملتونه وایي تېر کال یې له زرګونه افغان کروندګرو سره په بېلو برخو کې مرستې کړې دي. د ملګرو ملتونو د خوړو او کرنې اداره وایي چې دوی هڅه کوي په افغانستان کې د کرنې کیفیت ښه شي څو د خوړو په برخه کې د پام وړ بدلونونه راشي له همدې امله یې تېر کال په بېلو ولایتونو کې له شاوخوا ۱،۳ میلیونه کروندګرو سره د اصلاح شوو تخمونو او نورو اړینو توکو مرسته کړې ده.
سرچینه کاږي چې دوی ددې تر څنګ افغان کروندګرو ته روزنه هم ورکړې ده او له نړیوالو معیارونو سره سم یې دوی کرنې او مالدارۍ ته هڅولي ډي. یادې ادارې تر دې وړاندې هم له افغان کروندګرو سره د مرستو ژمنه کړې وه او تر څنګ یې دا خبرداری هم ورکړی و، چې ښایي د وچکالۍ له امله افغان کروندګر زیانمن شي.
