د ناروې د وسله والو ځواکونو قومندان جنرال ایریک کریسټوفرسن وایي چې افغانان د ښه ژوند حق لري او هغوی د دې وړ دي چې له هره اړخه پرمختللی ژوند وکړي. نوموړي زیاته کړې ده چې په اسلو کې د افغانستان په اړه ترسره کېدونکې ناستې ته د طالب پلاوي ورتګ د ا.ا.ا د رسمیت پېژندلو مانا نه لري بلکې دوی په دې توګه غواړي ثابته کړي چې دوی افغانانو ته د ښه ژوند چاپیریال برابرول غواړي او په هر حال کې د دوی تر څنګ ولاړ دي. نوموړي زیاته کړې چې افغانان اوس په بد وضعیت کې ژوند کوي او له دې وضعیته د افغانستان ایستل خپل او د نورو اغېزمنو هېوادونو مسوولیت بولي.
