ندیم: د عصري او دیني زده کړو ترلاسه کول یوه اړتیا ده

د لوړو زده کړو وزارت د کابل خصوصي پوهنتونونو استادانو لپاره علمي او دیني سیمینار پیل کړ. د لوړو زده کړو وزارت سرپرست وايي په هېواد کې د عصري او دیني زده کړو ترلاسه کول یوه اړتیا ده. ندا محمد ندیم د پوهنتون له استادانو غواړي چې په اسلامي روحیه د ځوان نسل په روزنه کې خپل مسوولیت ترسره کړي. د دې وزارت د سرپرست په خبره د ا.ا په نظام کې دیکتاتوري او خپلسري ځای نه لري او ټول د امر تابع دي. دی له هغو استادانو چې له هېواده بهر ته تللي، غواړي بېرته افغانستان ته راستانه شي او خپل هېواد او خلکو ته خدمت وکړي. ټاکل شوې دغه سیمینار دوه ورځې دوام وکړي، تر دې وړاندې د دولتي پوهنتونو لپاره د استادانو لپاره هم په کابل پوهنتون کې ورته سیمینار پيل شوی وو.