نیمروز کې د کمال خان بند د یوه کانال جوړېدو چارې بشپړې شوې

نیمروز کې د کمال خان بند د یوه کانال د جوړېدو چارې بشپړې او ګټې اخیستنې ته وسپارل شو. یاد کانال چې ۱۴کیلومتره اوږدوالی او ۲۵ متره پلنوالی لري، چې د کمال خان بند اوبه د نیمروز ولایت مرکز زرنج ښار ته رسوي. د دغه کانال پر جوړېدو ۸۰ میلیونه افغانۍ لګښت راغلی او چارې یې په څلورو میاشتو کې بشپړې شوې دي. د نیمروز سیمه ییز مسوولین هم وایي چې دغه کانال به د زرنج ښار او شاوخوا کلیو د کرنې د ودې په برخه کې ګټور تمام شي. کمال خان بند شاوخوا پنځه کاله مخکې د کرنې سکټور د ودې په موخه د مخکیني حکومت له لوري جوړ او ګټې اخیستنې ته وسپارل شو. خو د پرله پسې وچکالیو او د دغه بند د کانالونو نه فعالېدو له امله، د نیمروز ولایت د کرنې وضعیت کې د پام وړ بدلون نه دی راغلی.