واشنګټن ایکزماینر: افغانستان کې د امریکا حضور دومره ژر نه ختمېږي

امریکا له افغانستان د ځواکونو په ایستلو کې بېړه نه کوي او حضور یې دومره ژر نه ختمېږي. واشنګټن ایکزماینر نشریه په یوه مقاله کې لیکې چې له افغانستان د امریکایي ځواکونو د وتلو او همدا راز سولې په اړه د امریکایي چارواکو له څرګندونو ښکاري چې دلته هر څه دومره ژر نه ختمېږي. د سرچینې په خبره امریکا په افغانستان کې جګړه نه ګټلې او نه یې هم ختمه کړې ده خو د سرتېرو د ایستلو خبره کوي. د سرچینې په خبره داسې مهال چې په ورو ورو د سرتېرو د وتلو خبرونه خپرېږي تر څنګ یې داسې راپورونه هم شته چې د ستونزې پر مهال به امریکا په چټکه بېرته راګرځي. واشنګتن ایکزماینر لیکي له دې ښکاري چې امریکا دلته روانه جګړه نه ده ختمه کړې او نه هم له دغه هېواد د وتلو لپاره بېړه لري. د سرچینې په وینا امریکا په دغه ډول اقداماتو په سیمه کې کشمکشونه نور هم ډېروي، ځکه جګړه یې ختمه کړې نه ده او د سرتېرو د ایستلو یا راګرځولو په اړه ضد او نقیضې څرګندونې کوي.