وردګو کې د یوې سړې خونې د بیارغولو چارې پيل شوې

د میدان وردګو د کرنې اوبولګولو او مالدارۍ ریاست مسوولین وايي، چې د یاد ولایت په مرکز میدان ښار کې د یوې سړې خونې د بیارغولو چارې پیل شوې دي. د مېوې د ساتلو لپاره د یادې سړې خونې د بیا رغولو چارې د کرنې ریاست له خوا پیل شوې دي. دغه پروژه چې ۵۰ سلنه چارې یې د ترکیې هېواد له لوري پرمخ وړل شوې دي، پاتې هغه یې  د کرني اوبو لګولو او مالدارۍ ریاست له لوري پرمخ وړل کېږي چې د ۵ سوه مټریک ټنه میوې د ساتلو ظرفیت لري. د یادونې وړده، چې په سید آباد ولسوالۍ کې هم ورته سړه خونه جوړه شوې، چې د ۱۰۰۰ ټنه میوې د ساتلو ظرفیت لري.