ولسي جرګه:د امریکا ټاکنې به د سولې په خبرو اغېز ولري

د ولسي جرګې یو شمېر غړي وايي، چې د امریکا ولسمشریزې ټاکنې به د افغانستان د سولې په خبرو اغېز لرونکې وي. د ولسي جرګې یو شمېر غړي وايي، چې که څه هم د افغانستان د سولې په تړاو به د امریکا په عمومي سیاسیت کې بدلون رانشي، خو ټرمپ یا جوبایډن به متفاوت سیاست ولري. سیاسي څېړونکي هم وايي، چې امریکا به خپل سیاست د افغانستان په اړه ډېر تغیر نه کړي او د جګړې د پای ته رسولو هڅه به له دواړو نوماندانو چې هر یو يې وګټي وشي. د امریکا ولسمشریزې ټاکنې درې ورځې وړاندې وشوې خو لا یې هم پایله نه ده معلومه.