په افغانستان کې روان بشري ناورین د اندېښنې وړ دی. په کابل کې د امریکا پخواني سفیر راس وېلسن په تازه مرکه کې ویلي چې په افغانستان کې روان بشري ناورین او د نړۍ بې پامي دواړه د اندېښنې وړ دي. دده په خبره د نړۍ د ټولو خیریه بنسټونو او شتمنو هېوادونو پام اوکراین ته دی نو افغانستان او دلته روان بشري ناورین یې هېر کړی دی.
نوموړي ویلي چې په افغانستان کې باید بشردوستانه مرستې ډېرې شي او اړ کسان دې له لوږې او خوارځواکۍ وژغورل شي.
هغه همدا راز ویلي چې نړۍ د نوي حکومت کړنو ته متوجه ده او دوی ته په کار ده چې له نړیوالې ټولنې سره پر کړو ژمنو عمل وکړي او په حکومتولۍ کې پوره معقول چلند ولري.
