وېسټ له ازبکستاني چارواکو سره د افغانستان په اړه خبرې کړې دي

د افغانستان لپاره د امریکا ځانګړي استازي په واشنګټن کې له ازبکستاني چارواکو سره کتلي دي. توماس وېسټ پر خپله ټویټر پاڼه لیکلي، خوښ دی چې د ازبکستان د امنیت شورا له مرستیال، کاملوف او د افغانستان لپاره د دغه هېواد د ځانګړي استازي ارګاشف کوربتوب کړی دی. وېسټ ویلي، په افغانستان کې یې د ګڼو ګډو ګټو او مخ ته پرتو حل لارو غږېدلي دي. ازبکستان د منځنۍ اسیا یو له هغو هیوادو څخه دی چې له سرپرست حکومت سره په اقتصادي او سوداګریزو برخو کې وړاندې تللی او تازه یې د افغاني توکو په ټرانزیټ کې افغانستان ته ۴۰ میلیونه ډالر کمښت ورکړی.