پاکستان کې افغان کډوال: د پولیسو له وېرې شپه او ورځ په وېره کې تېروو

هندي رسنیو ویلي، له پاکستانه د افغان کډوالو د ایستلو له پرېکړې وروسته د افغان کډوالو ژوند ستونزمن شوی دی. یو شمېر هغه کډوال چې د پناه غوښتنې اسناد هم لري، وايي چې په «ظالمانه ډول» د کراچۍ پولیسو د نیول کېدو له امله شپه او ورځ په وېره کې تېروي. ټرسټ آف انډیا رسنۍ په کراچۍ ښار کې د افغان کډوالو په دوو سیمو کې د میشتو افغان کډوالو د وضعیت په اړه راپور جوړ کړی دی. افغان کډوال، چې د اوسنيو شرايطو له امله ډېرو کورنيو د بېرته ستنېدو پرېکړه کړې او يو شمېر يې د چمن له لارې افغانستان ته ستانه شوي هم دي. یو شمېر دغو سازمانونو لکه د ملګرو ملتونو د کډوالو عالي کمېشنرۍ او د بښنې نړیوال سازمان له پاکستانه غوښتي چې د کډوالو په اړه پر خپلې پرېکړې له سره غور وکړي.