پنجشېر کې د زمردو ۲۶۰ نوي کانونه پېژندل شوي

د پنجشېر د کانونو او پټرولیم رییس محمد قاسم امیري ویلي، چې سږکال په دغه ولایت کې د زمردو له ۲۶۰ډېر نوي کانونه کشف شوي دي. نوموړي ویلي، چې له دې ډلې د شاوخوا ۳۰ کانونو د کېندنې چارې هم پیل شوې دي. د دغه ولایت د کانونو او پټرولیم ریاست په یوه خبرپاڼه کې لیکلي، چې د روان لمریز کال له پیل راهیسې ۲۶ مېلیونه افغانۍ عواید راټول شوي دي. د امیري په وینا؛ دغه عواید د ۱۶ داوطلبیو له ترسره کولو او د پنجشېر ولایت د کېندل شویو کاني موادو له پلور څخه ترلاسه شوي دي.