په کابل کې د کرنیزو محصولاتو څلور ورځنی نندارتون جوړیږي

د کرنې اوبو لګولو او مالدارۍ وزارت وایي، چې ټاکل شوې د روانې تلې میاشتې له ۲۵مې نېټې څخه د همدې میاشتې تر ۲۸مې د کابل په بادام باغ کې د کرنیزو محصولاتو څلور ورځنی نندارتون جوړ شي. د یاد وزارت په وینا؛ دغه نندارتون کې به د کرنې، بڼوالۍ او مالدارۍ اړوند بېلابېل ښه کیفیت لرونکي توکي، کرنیز او د مالدارۍ پروسس شوي توکي، کرنیز ماشینونه، لاسي صنایع، وطني غوره زعفران، طبي بوټي او نباتات، د اوبولګولو تجهیزات او یو شمېر نور توکي نندارې ته وړاندې شي.