په ۱۵ هېوادونو کې ۳۰ میلیونه ماشومان په خوارځواکۍ اخته دي

ملګري ملتونه وایي، په ۱۵ هېوادونو کې له ۳۰ میلیونو ډېر ماشومان د خوارځواکۍ له ګواښ سره مخ دي، او د دغو ماشومانو اته میلیونه یې د خوارځواکۍ له شديدې بڼې رنځ وړي. د دغه سازمان د مالوماتو له مخې، افغانستان، بورکینافاسو، چاد، کانګو ډیموکراټيک جمهوریت، ایتوپیا، هایتي، کینیا، ماداګاسکار، مالي، نایجیر، نایجریا، سومالیا، سوډان، سویلي سوډان او یمن هغه هېوادنه دي چې په ماشومانو یې دا بده ورځ راغلې ده. د مرستو دغه غوښتنه د ملګرو ملتونو پنځو اړوندو اېجنسیو کړې. ملګري ملتونه غوښتنه کوي چې د ماشومانو د ضایع کېدو د مخنیوي نړیوال پلان ټولې برخې باید په چټکۍ سره عملي شي. د دغه پلان له مخې، مخکې له دې چې ډېر ماشومان د شدیدې خوارځواکۍ له امله د مرګ تر پولې ورسېږي باید لاس نیوی یې وشي.