پولټیکو: امریکا له مرکزي اسیا د افغانستان د څارلو په لټه کې ده

امریکا لا هم د افغانستان د څارلو لپاره د ځای ځایګي پلټلو په لټه کې ده. پولټیکو امریکایي نشریې ویلي، چې د امریکا ددفاع وزیر د سنا یوې سري جلسې ته د خبرو پر مهال ویلي چې لا یې هم د افغانستان له څارلو لاس نه دی اخیستی او سخته هڅه کوي چې د ځان لپاره ځای ځایګی پيدا کړي. جنرال لویېډ آ‌سټین وایي ددې احتمال شته چې د افغانستان د څارلو لپاره د مرکزي اسیا په هېوادونو کې یوه پوځي اډه جوړه کړل شي. دده په خبره دوی تر ډېره غواړي په تاجکستان، ترکمنستان یا ازبکستان کې دغه اډه جوړه کړي. تر دې وړاندې راپورونه خپاره شوي وو، چې امریکا ښایي په تاجکستان کې د روسیې له یوې نظامي اډې کار واخلي، اسټین ددې کار د ترسره کېدو احتمال هم نه دی رد کړی. لویېډ آسټین امریکایي استازو ته ډاډ ورکړی چې د افغانستان په اړه دې اندېښنه نه کوي، ځکه دوی هر څه له نږدې څاري.